Dátuverndarkunning

Okkara tænastur og veitingar eru fevndar av viðgerð av persónupplýsingum, og tískil verður dátuvernd raðfest sera høgt á Formula. 

Formula er dátuábyrgdari fyri viðgerðini av teimum persónupplýsingum, ið verða skrásettir um teg. Sum dátuábyrgdari er tað skylda okkara at tryggja, at viðgerðin lúkar tey krøv, ið til eina og hvørja tíð eru galdandi sambært reglunum í dátuverndarlógini.

Formula kunnar teg við hesum um eina røð av viðurskiftum og rættindum, sum tú hevur sambært dátuverndarlógini. Í kunningini er nærri lýst hvussu Formula viðger og verjir persónupplýsingar, sum vit hava ábyrgd av.

Formula hevur í høvuðsheitum skyldu at fráboða:

• viðgerð av persónupplýsingum,
• hvør er dátuábyrgdari,
• hvat endamálið við viðgerðini er, og
• møguligir móttakarar av upplýsingunum.

Formula hevur ábyrgd av persónupplýsingum hjá starvsfólkum á Formula, viðskiftafólki, samstarvspørtum og veitarum í sambandi við virksemi og tænastur okkara. Viðgerð av persónupplýsingum verður altíð framd við grundarlag í hesi kunning. Formula kann í ávísum førum senda ella útflýggja serliga kunning um viðgerð av persónupplýsingum, um viðgerðin ikki er nøktandi lýst í hesum skrivi.

Viðgerð av persónupplýsingum og endamál:
1. Umsøkjarar, starvsfólk, ráðgevar hjá Formula, vm.
Í samband við starvsumsókn, starvssetan, uttanhýsis ráðgevingveiting, stuðulsuppgávum ella líknandi, viðger Formula eina røð av persónupplýsingum um teg. Ítøkiligu persónupplýsingarnar eru grundarlag fyri viðgerðini í hesum sambandi.

2. Kontaktpersónar hjá kundum, samstarvspørtum og veitarum 
Formula skrásetir kontaktupplýsingar hjá persónum, td. kontaktpersónar hjá kundum, samstarvspørtum ella veitarum.

Endamálið við hesi skrásetingar, er at Formula kann fremja veitingar, td. tíðindabræv, tiltaksluttaka, skeiði, stuðulsuppgáva ella luttøku í øðrum virksemi, m.a. verkætlanum. Formula skrásetir einans tær persónupplýsingar, sum eru neyðugar til tess at kunna veita tí ítøkiligu tænastuna, td. veitingina ella avrokning fyri ta ítøkiligu veitingina.

3. Formula sum dátuviðgeri 
Í fleiri føri er Formula dátuviðgeri vegna viðskiftafólk okkara, td. í sambandi við tænastu og stuðulsuppgávur, og í samband við hýsingartænastu okkara. Sum dátuviðgeri fer viðgerðin á Formula fram eftir boðum frá dátuábyrgdaranum og samsvarandi ítøkiligari dátuviðgerðaravtalu millum partarnar.

Heimild fyri viðgerðini
Persónupplýsingar verða skrásettar og viðgjørdar í sambandi við omanfyristandandi.

Rættargrundarlagið fyri viðgerð av persónupplýsingum er § 8, stk. 1, nr. 1, 2, og 3, umframt § 12 stk. 2, nr. 1, 2, 3 ella 7 í dátuverndarlógini. Formula fylgir soleiðis einum heimilaðum leisti í sambandi við viðgerð av persónupplýsingum.

Goymsla og strikan av persónupplýsingum
Formula hevur greiðar reglur og mannagongdir fyri, nær persónupplýsingar verða strikaðir. Hetta er við til at tryggja, at persónupplýsingar bert verða goymdir í tann mun tað er eitt sakligt og lógligt endamál við goymsluni. Endamálið kann bæði verða við atliti til ítøkiliga lóggávu, td. bókhaldslóggávuna ella at tryggja, at ein ítøkilig veiting kann fara fram sambært avtalu.

Víðarigeving av persónupplýsingum
Formula gevur ikki persónupplýsingar víðari til triðjapart, uttan so at tað er skylda ella álagt sambært viðkomandi lóggávu, avtalu/sáttmála ella kravi frá almennum myndugleikum, td. TAKS.

Somuleiðis flytur Formula ikki persónupplýsingar víðari til útlond ella triðjalond, uttan so at tað er neyðugt í sambandi við ítøkiliga veiting og tænastu, sambært lýsing niðanfyri.

Formula tryggjar sær altíð eitt heimilað grundarlag fyri møguligari flytan av persónupplýsingum, og kunnar altíð um hesi viðurskifti, tá tílíkt flytan fer fram.

Flyting av persónsupplýsingum til útlond fer fram í sambandi við hesar ítøkiligu tænasturnar:

• teldupostsamskifti við Formula,
• uppgávustýring og tænastuuppgávur,
• tilmelding til skeið og tiltøk,
• brúk av Nethandlinum og brúk av heimasíðuni.

Staðsetingin av útfluttan dáta er innan ES/EØS. Í samband við brúk av hesum tænastum, góðtekur tú samstundis at Formula flytur dátur til útlond.

Bólkar av persónupplýsingum sum vit savna
Formula viðger persónupplýsingar um teg í sambandi við ítøkiligu veitingina ella tænastuna. Upplýsingarnar kunnu verða vanligir persónupplýsingar td. navn, p-tal, bústað- og fíggjarviðurskifti. Talan kann eisini verða um viðkvæmar persónupplýsingar td. um heilsu ella fakfelag.

Brúk av farspori (cookies)
Heimasíðan hjá Formula nýtir farspor til tess at betra um tænastuna á síðuni, td. at gera heimasíðuna meira ítøkiliga og viðkomandi fyri vitjandi. Brúk av farspori verður heimilað í ítøkiligum samtykki frá tí vitjandi, sum altíð kann takast aftur.

Tíni rættindi og ynskir tú at gera brúk av hesum rættindum?
Sambært dátuverndarlógini hevur tú eina røð av rættindum, nærri lýst í kapitli 4 í dátuverndarlógini. Rættindini eru hesi:

• Rætturin til kunning í §§ 23-25
• Rætturin til innlit í § 26
• Rætturin til rætting í § 27
• Rætturin til strikan í § 28
• Rætturin til viðgerðaravmarking í § 29
• Rætturin til dátuflutning í § 31
• Rætturin til mótmæli í § 32-34
• Rætturin til ikki at vera fyri avgerðum, sum eru grundaðar á automatiska viðgerð

Tú hevur td. rætt til at fáa innlit í tínar persónupplýsingar, fáa strika upplýsingar, sum Formula ikki longur hevur eitt endamál til at goyma og heimilað grundarlag til at viðgera og at fáa rætta tínar persónupplýsingar, um hesar eru skeivar.

Um tú hevur spurningar til tíni rættindi og ynski um innlit vm., so hevur tú møguleika at senda teldupost til formula@formula.fo ella ringja á telefon 344000.

Skrivstovan er opin allar gerandisdagar millum kl. 9 og 16.

Vit mæla til, at tú ikki sendir okkum viðkvæmar ella trúnaðar upplýsingar í hesum sambandi.

Møguleikin at klaga til Dátueftirlitið
Sambært § 76 í dátuverndarlógini kann skrásetti klaga til Dátueftirlitið um viðgerð av persónupplýsingum.

Um mett verður at Formula ikki viðger tínar persónupplýsingar í samsvar við reglurnar í dátuverndarlógini, er møguligt at klaga til Dátueftirlitið hesum viðvíkjandi. Tú kanst klaga um viðgerð, sum viðvíkur tær, við at venda tær til Dátueftirlitið á dat@dat.fo ella á telefon 30 91 00.

Skrivstovan er opin gerandisdagar millum 9.00 og 15.00.

Dátuverndarfólk
Formula hevur tilnevnt eitt dátuverndarfólk, og um tú hevur spurningar um viðgerð av persónupplýsingum á Formula, kanst tú venda tær til dátuverndarfólkið á formula@formula.fo, og heitið á teldupostinum skal vera “Att. dátuverndarfólk”. Tú kanst eisini senda eitt vanligt bræv til Formula, Óðinshædd 2, FO-100 Tórshavn, att. Dátuverndarfólk.

Um Formula
Formula veitir kt-loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Formula veitir eisini hýsingartænastu og er í hesum høpi dátuviðgeri fyri hesar kundar. Tú kanst lesa meira um Formula her á heimasíðuni ella við at seta teg í samband við viðkomandi starvsfólk á Formula.